SINGIDA BLACK STARS WATANGAZA FURSA KWA WACHEZAJI VIJANA WENYE VIPAJI VYA SOKA

 

Na Amini Nyaungo

Timu ya Singida Black Stars inaenda kusajili vijana watakaotengeneza timu ya vijana ya Singida Black Stars ambapo Kliniki hiyo itafanyika uwanja wa Liti mkoani hapa kwa siku tatu kuanzia tarehe 02 mwezi wa nane hadi tarehe nne mwezi wa nane mwaka huu wa 2024 kuanzia saa tatu asubuhi.

Hayo ameyaema leo Afisa Habari wa Singida Black Stars Hussein Masanza alipokuwa anaongea na Standard Radio ya mkoani Singida katika kipindi cha michezo kinachoitwa Sports Circle kinacho endeshwa na Mtangazaji Amini Nyaungo.

Masanza amesema kuwa wazazi wote walio na watoto wenye vipaji vya kusakata kabumbu wanakaribishwa kujaribu bahati yao kwa watoto wao ili wajiunge na timu ya vijana ya Singida Black Stars.

Masanza amesisitiza kuwa kliniki hiyo itahusisha vijana wa Singida ili nawao wapate fursa ya kuonesha vipaji vyao na wapate maisha yao ya Soka.

Amesema kuwa hakutokuwa na fomu ya kiingilio wala kikwazo chochote bali mtoto awe na Kipaji basi watapata fursa hiyo ya kuchaguliwa.

Aidha amesema kuwa mtoto aje na vifaa vyake vya michezo kwa ajili ya kuchezea na kuonesha alichojaaliwa na Mungu.

"Tutakuwa na siku ya kusaka vipaji ili tupate wachezaji watakaokuwa katika timu yetu ya vijana, tunawakaribisha vijana wote hakutokuwa na kiingilio kikubwa mtoto aje na vifaa vyake vya michezo na jopo letu litaangalia waliokuwa na vipaji watasajiliwa," Masanza niwaambie tu kuwa itakuwa Kliniki ya siku tatu kuanzia tarehe 02.08.2024 hadi tarehe 04.08.2024.

Mwisho