WAZAZI WAWALINDE WATOTO WAFIKIE MALENGO YAO

Na Amini Nyaungo

Wazazi wametakiwa kuwalinda watoto wao pamoja na kuwapatia elimu juu ya kujilinda na kujikinga na ukatili wa kijinsia ili wafikie malengo yao ambayo wamejiwekea katika maisha yao.

Ameyasema hayo leo Afisa Maendeleo ya Jamii Mkoa wa Singida Patrick Kasango akiwa mgeni rasmi akimuwakilisha Mkuu wa Mko wa Singida Halima Dendego katika kongamano la mwaka lililofanywa na Shujaa wa Maendeleo na Ustawi wa Jamii (SMAUJATA) Mkoa wa Singida ambapo lengo la kongamano hilo lililuwa ni utoaji wa elimu ya ukatili wa kijinsia.

"Tuwalinde watoto ili wawe na maendeleo huko mbele ya safari, ni muhimu kila mzazi awe makini na mtoto wake," Kasango

Mwenyekiti wa SMAUJATA mkoa wa Singida Patrick Msinda ameomba ushirikiano kwa Mashujaa wote mkoa wa Singida pamoja na wazazi kuwalinda watoto wao.

"Tuendelee kuwalinda watoto wetu pamoja na sisi Mashujaa tuwe na ushirikiano,"Msinda

Huku Mwenyekiti wa SMAUJATA Manispaa ya Singida Miraji Hamis amewapongeza SMAUJATA kwa kazi nzuri waliofanya pamoja na kushirikiana hadi kulifanikisha kongamano hilo.

Kwa upande wa washiriki wa kongamano hilo Groly Makiya ameipongeza SMAUJATA mkoa wa Singida kwa kuendelea kupigania haki kwa kutoa elimu ya ukatili wa kijinsia.

"Nichukue fursa hii kuwashukuru  SMAUJATA kwa kazi nzuri wanayoendelea kuifanya, kwa hakika imeweka alama katika mioyo yetu,"Amesema.

Naye Ali Hamis kutoka Uhamaka ameomba SMAUJATA Singida waendelee kulindwa kani kazi wanayoifanya kubwa na wanafanyakazi nzuri.

"Hawa ndugu zangu SMAUJATA wanafanyakazi nzuri sana naomba walindwe ili waendelee na kazi zao vizuri,"amesema

Kongamano hilo lilihudhuliwa na viongozi mbalimbali wa chama cha Mapinduzi akiwemo Diwani wa Mandewa Baraka Hamis na maafisa wengine.

Kataa ukatili wewe ni Shujaa.