WATANZANIA WAASWA KUMUENZI NYERERE KWA NAMNA YAKE

 

Na Amini Nyaungo

Wananchi wametakiwa kufuata mambo mazuri aliyoyafanya hayati Baba wa Taifa Mwalimu Julis Kambarage Nyerere ili  lengo la kumuenzi liweze kukamilika katika  kwa watanzania. 

Hayo yamesemwa leo tarehe 14/10/2024 na Mwenyekiti wa Taasisi ya Mwalimu Nyerere Mkoa wa Singida  Rajab Shaban alipokuwa anaongea na Standard Radio leo katika kipindi cha Zinduka.

Rajab amesema ili lengo na dhamira ya kumbukumbu yake lazima kila mmoja aige yale mazuri aliyoyafanya Nyerere na hapo ndipo dhamira ya kweli ya kumuenzi inapatikana.

"Tumeuenzi kwa kufuata yale mema aliyoyafanya kwa taifa letu ili dhamira ya kumuenzi ipatikane,"Rajab

Naye Mwenyekiti wa Halmashauri ya Wilaya ya Singida Ramadhani Athuman Lissu amewapongeza Watanzania kwa amani iliyopo huku akiweka wazi kazi kubwa aliyoifanya Mwalimu Nyerere enzi za uhai wake akisema kuwa lazima Watanzania tulinde Tunu aliyoiacha Nyerere.

"Hii amani tuliyonayo ameitengeneza Mwalimu Nyerere hivyo tuilinde,"Amesema

Naye Mhasibu wa Taasisi hiyo Pendo Mathayo  Hango amewaomba Wananchi wa mkoa Wa Singida kutumia siku ya leo kumuenzi Baba wa Taifa Mwalimu Julius Kambarage Nyerere kwa kufanya mambo mema.

Mwisho.