DENDEGO AJIANDIKISHA DAFTARI LA MPIGA KURA SERIKALI ZA MTAA KWA VITENDO

 Na Amini Nyaungo

MKUU wa Mkoa wa Singida, Mh. Halima Dendego ashiriki kujiandikisha kwenye orodha ya daftari la kupiga kura kwa ajili ya uchaguzi wa Serikali za mitaa Novemba 27,2024.

Zoezi hilo limefanyika leo Oktoba 11,2024 katika kituo cha kujindikisha cha Shule ya msingi Sababasaba kata ya Utemini mkoani hapa.

Dendego amelezea tofauti iliyopo  kati ya zoezi lilopita la uboreshaji wa Daftari la kudumu la wapiga kura pamoja na hili la  daftari la wakazi kwa ajili ya uchaguzi wa Serikali za mitaa ikiwa ni pamoja wenyeviti wa mitaa na wajumbe wa kamati za mitaa kwa maeneo ya miji na wenyeviti wa vijiji, vitongoji na wajumbe wa serikali za vijiji kwa maeneo ya Halmashauri za wilaya.

"Hili ni zoezi tofauti na lile lililopita kama hujajiandikisha hutoweza kumpigia kura kiongozi unaye mtaka," Dendego

Ametumia nafasi hiyo kwa kuwataka wananchi kujitokeza kwa wingi kushiriki kujiorodhesha kwenye Daftari la wakazi kwa ajili ya kuwachagua viongozi katika maeneo yao.

Mwisho.