DENDEGO WA 22 SINGIDA, NGUA AANZA

Na Amini Nyaungo

Mkoa wa Singida umeanzishwa mwaka 1963 miongoni mwa mikoa maarufu hapa nchini kwetu Tanzania umaarufu wake umekuja kwa zao la Alizeti ambao unaitambulisha vyema mkoa huu japo ukikaa huku hili zao wanalichukulia poa na hawaoni kama ndio zao linalowapaisha huko ulimwenguni.

Sipo kwa ajili ya kuliongela zao la alizeti turudi katika msingi wa kichwa cha habari Mkuu wa Mkoa wa Singida Halima Dendego yeye ni wa 22 tangu mkoa huu kuanzishwa yaani yeye ni mkuu wa mkoa wa 22.

Utawajua wote leo kuaniza mwaka wao waliongoza na mwisho wao kupita Chamber Media na ni vyema ukajua siku nyingine nitakuja na mafanikio yao na wapi wamefeli ila hii sasa itakuwa habari ya kichunguzi wasije wakanibana.

1. DATUS NGUA

Singida ilianzishwa tarehe 15, Oktoba  1963 na sasa mkoa huo una miaka 60 ikifika mwezi wa kumi tarehe kama hiyo mwaka huu wa 2024 itakuwa na miaka 61.

Anayetufungulia dimba leo ni Dantes Ngua yeye ameongoza mwaka mmoja tu mkoa huu ambapo aliongoza kuanzia 1963 hadi 1964.

2. PETER KISUMO

Mheshimiwa peter yeye akaongoza mkoa huo kwa mwaka mmoja pia kuanzia 1964 hadi 1965.

3. RAJABU SEMVUA

Mzee Rajabu yeye aliongoza kwa miaka minne kuanzia 1965 hadi 1969 amefungua njia ya kuongoza kwa miaka mingi kuliko wa kwanza na wa pili.

4. KAPILIMA KAPILIMA

Naye akapata angalau miaka 2 akaongoza kuanzia 1969 hadi 1971 akafanya aliyoyaweza akaondoka.

5. KINGUNGE NGOMBALE MWIRU

Mzee wetu huyu aliongoza kwa mwaka mmoja kuanzia mwaka 1971 hadi 1972 naye alibahatika kupita Singida.

6. MOSES NNAUYE

Huyu ndio Yule mtoto wake aliyekuwa Waziri wa Habari Nape Nnauye yeye ameongoza kuanzia mwaka 1972 hadi 1975 akapata miaka yake mitatu Singida.

7. CHARLES KILEO

Kuanzia mwaka 1975 hadi mwaka 1977 Charles Kileo ameshika hatamu mkoa wa Singida.

8. BRIGADIA SILAS MAYUNGA

Kama ulikuwa hujui makamanda walianzia zamani kuongoza mikoa yeye akapata namba ya kuongoza mwaka mmoja mkoa wa Singida kuanzia 1977 hadi 1978.

9. ABDALLAH NUNGU

Nungu alipata miaka 3 kuanzia mwaka 1978 hadi 1981 huyu vita vya IDDI AMIN vimemkuta mkoa wa Singida akiwa mkuu wa mkoa simaanishi kuwa vita vilikuwa hapa hapana bali wakati vinatokea  yeye akiwa mkuu wa mkoa wa Singida kama ilivyo wakuu wa mikoa wengine ambao walikuwa Tanga au Dar es salaam.

10. KAPTENI PETER KAFANABO

Huyu aliongoza kwa miaka 5 akianzia mwaka 1981 hadi 1986 akiwa mkoa wa Singida.

11. PROFESA JOHN MACHUNDA

Yeye amepata mwaka mmoja wa kuiongoza Singida kuanzia mwaka 1986 hadi 1987.

12. MEJA JENERALI MWITA MARWA

Naye alipita kwa kuongoza mkoa wa Singida kwa miaka mitatu kwani aliteuliwa kuwa mkuu wa mkoa huo kuanzia mwaka 1987 hadi 1990.

13.GALLUS ABEID

Mzee wetu amepata miaka yake mitatu kuanzia mwaka 1990 hadi 1993 hawa wanaonekana wamekubali Singida wamepata kukaa angalau miaka miwili na zaidi.

14. ABOUBAKARY MGUMIA

Amepata miaka mine  kuanzia mwaka 1993 hadi 1997 akiongoza mji wa Alizeti.

15. COL. ANATOLI TARIMO

Yeye ameanzia mwaka 1997 hadi 1997 hadi mwaka 2002 amekula miaka mitano mkoa wa Singida.

16. HALIMA KASUNGU

Bibi Halima alipata miaka minne pia kuiongoza Singida kuanzia 2002 hadi 2006 akiwa kwa Wanyaturu na Wanyeramba.

17. DAKTARI PARSEKO  KONE

daktari aliweka rekodi kuongoza kwa miaka mingi mkoa wa Singida ameongoza kwa miaka kumi (10) kuanzia mwaka 2006 hadi 2016, sijui nani atakuja kuvunja rekodi yake.

18. INJINIA MATHEW MTIGUMWE

Huyu yeye ameteuliwa kuwa mkuu wa mkoa wa Singida mwaka 2016 na akaondoka mwaka huo huo.

19. DAKTARI REHEMA NCHIMBI

Mama yetu ameongoza kuanzia mwaka 2016 hadi 2021 amepata miaka mitano ya kuongoza Singida.

20. DAKTARI BINILITH MAHENGE

Yeye ameongoza kwa mwaka mmoja kuanzia mwaka 2021 hadi 2022 , wakati naingia mkoa wa  Singida mwaka 2021 ndio nimemkuta Rehema Nchimbi lakini ujio wa Mahenge yeye nimemuona wakati anakuja na wengine ambao nawataja hapa chini.

21. PETER SERUKAMBA

Serukamba yeye kapata miaka 2 kuanzia mwaka 2022 hadi mwaka 2024 ilitosha kuongoza Singida kwa sasa yupo Iringa.

22. HALIMA DENGEDO

Huyu sasa tunawezakusema kitinda mimba kwa wakati huu naandika makala hii, yeye ndio kwanza hajamaliza mwaka anaendelea vizuri sana na kuiongoza Singida.

Dendego hivi karibuni amewataka viongozi wa mkoa huo kuipaisha Singida kuwa katika mikoa inayofanya vizuri katika uchumi.

Dengedo anaendelea na mipango mizuri ikiwa hakai ofisini kwakwe anatembelea miradi mbalimbali pamoja na kufanya kaguzi ambapo kwa maoni ya walio wengi wamemkubali kwa anavyoongoza.

Kitu ambacho hadi sasa mimi nimekipata kwake huwa anajali sana muda akikuambia anatembelea mradi saa tano basi ujue itakuwa saa tano kweli.

Hiki kitu viongozi wengi wameshindwa kwendana na muda anafika kwa wakati na hivi ndivyo inavyotakiwa.

Singida ina utajiri wa kilimo cha Alizeti, Dengu, Mahindi, Langilanga, Viazi pamoja na Wele vinalimwa sana na kazi kubwa mkoa huo ni kilimo.

Mkoa wa Singida wenye wakazi milioni mbili na chngachenga unaendelea kukua siku hadi siku.

Maeneo maarufu ni Singida Mjini, Jineri, Mandewa, Ubungo, Kindai, Munangi, Mwenge pamoja na KILIMA, lakini pia sehemu kama vile Ilongero, Mrama, Sekotoure , Mwankoko pamoja na Sepuka, Iramba kuna Mwanduigembe, lamba, Shelui na sehemu nyingine.

Singida ina vyuo vya VETA viwili vikubwa ikiwemo Singida Mjini na Ikungi na ina vyuo vikuu kama vile T.I.A ,Chuo cha Maji pamoja na Utumishi.

Singida ina makabila makuu mawili Wanyeramba pamoja na Wanyaturu ambao kiuhalisia watani wa jadi.

Kuna mabwawa makubwa wenyewe wanaita maziwa KINDAI pamoja na SINGIDANI lakini mkoa huu una mabwawa mengi mno kama umetembea sehemu kubwa ya mkoa huu.

Uchumi wao mkubwa na biashara yao ipo Singida mjini ikiwa katika soko kuu kuna kila bidhaa na soko la Vitunguu na stend ya magari Misuna hapo kila gari la mkoa wowote unalipata mtu maarufu hapo ni DAFI NYANDEKWA.

Katika michezo SINGIDA inafanya vizuri ikiongozwa na Hamis Kitila Mwenyekiti wa chama cha mpira wa miguu mkoa wa Singida (SIREFA) ina timu inayoshiriki ligi kuu Tanzania Bara Singida Black Stars zipo akademi mbalimbali ina uwanja wa LITI wenye hadhi ya kuchezewa ligi kuu TANZANIA.

Ikumbukwe Waziri wa Fedha anatoka mkoa wa Singida Iramba Mwigulu Nchemba.

Kwahiyo Singida imejaa kila utakacho atakaye aje kwani pia kuna warembo mkitaka kuoa basi njooni Singida watoto weupe warefu na wanasifa zote wanaume tunazotaka.

Asili ya Singida ni ISINGIDA hili tutakuja kukuletea kupitia hapa historia ya LITI hadi kufikia leo.