TANESCO SINGIDA YAMAKATA WIZI WA UMEME

 Na Jumbe Ismailly MANYONI

SERIKALI kupitia Makampuni yaliyowekeza katika vijiji vinavyozunguka mapori ya Akiba Rungwa-Kizigo-Muhesi imetoa jumla ya dola za kimarekani 50,000 katika kipindi cha mwaka wa fedha wa 2019/2020 na mwaka 2020/2021 ikiwa ni gawio linalotokana na shughuli za utalii ndani ya mapori hayo.

Kamanda wa Uhifadhi wa Mamlaka ya Usimamizi Wanyamapori Tanzania (TAWA) Kanda ya kati,Kamishina Msaidizi Mwandamizi, Herman Nyanda ameyasema hayo alipokuwa akielezea umuhimu wa uhifadhi na mafanikio yanayopatikana katika mapori ya Akiba ya Rungwa-Kizigo-Muhesi.

Aidha kamanda huyo amefafanua kwamba kwa ujumla mapori hayo yamekuwa na faida kubwa kwa taifa na jamii kwenye vijiji 69 vinavyozunguka mapori hayo na kuzitaja baadhi ya faida hizo kuwa ni pamoja na upatikanaji wa maji safi na salama,mazao ya msitu,mapato yatokanayo na utalii wa picha na uwindaji

Aidha katika kipindi cha mwaka wa fedha wa 2016/2017 hadi mwaka 2021/2022 vile vile serikali ilitoa jumla ya shilingi za kitanzania 918, 185,555/= kwa Halmashauri za wilaya ya Manyoni ambayo ilipatiwa shilingi 399,259,341/=na Halmashauri ya Itigi shilingi 518,926,236/= ikiwa ni gawio linalotokana na shughuli za utalii ndani ya mapori hayo.
Akizungumzia mgawanyo wa asilimia 25 zinazotokana na mapato yatokanyo na uwindaji wa kitalii katika kipindi cha kuanzia mwaka wa fedha wa 2021/2022,Kamanda Nyanda ameweka bayana kuwa Halmashauri ya wilaya ya Manyoni ilipata mgao wa shilingi za kitanzania 399,259,341 wakati Halmashauri ya Itigi ilipatiwa mgao wa shilingi 518,926,238/=

Aidha Kamanda Nyanda ameitaja misaada mingine ya maendeleo iliyotolewa kuwa ni pamoja na kugawa mizinga ya nyuki 196, kuanzisha vikundi mbali mbali 55 vya ufugaji nyuki katika vijiji 39 ili kusaidia kukabiliana na wanyamapori wakali na waharibifu.

Kwa mujibu wa Kamanda Nyanda baadhi ya  misaada hiyo inajumuisha ugawaji wa mizinga 80 yenye thamani ya shilingi milioni 16 kwa vikundi 11 vya wafuga nyuki katika vijiji vya Simbanguru, Mpapa,Nkonko na Imalampaka na ujenzi wa vihenge 10 vya kutunzia nafaka vyenye thamani ya shilingi milioni 40.

MWISHO..