MIKOPO ISICHAGUE NANI APATE NITASIMAMISHA MISHAHARA YENU- DENDEGO

 Na Amini Nyaungo

Mkuu wa mkoa wa Singida Halima Dendego amewaagiza viongozi mkoani hapa kuwasaidia kina mama,Walemavu na Vijana wanaotaka kupata fursa mbalimbali zinazojitokeza ndani na nje ya mkoa wa Singida hususani mikopo ya asilimia kumi ambayo imeshatoka wapate kwani hayo ndio majukumu yao ya kuwasaidia Wananchi wasipo fanya hivyo mishahara yao itachelewa kutoka.

Ameyasema hayo leo katika uzinduzi wa Programu ya Uwezeshaji Wananchi Kiuchumi iloyofanyika katika ukumbi wa RC Mision mkoani hapa.

Dendego  amewataka viongozi kusimamia haki pamoja na kuwafikia wananchi vijiji katika kuwapa elimu pamoja na msaada ili waweze kupata mikopo iliyotolewa kwa ajili yao kujikwamua kiuchumi.

"Wakati ambao mishahara itasimama ni wakati huu, nataka viongozi wafikie hadi vijijini ili wawasaidie kina mama na wenye uhitaji wape mikopo iloyotolewa na asilimka kumi,"Dendego.

Aidha Katibu Mtendaji wa Baraza la Uwezeshaji Wananchi Kiuchumi Bi. Beng'i Issa amesisitiza kuwa mpango wa asilimia kumi ni muhimu sana, inawasaidia sana wananchi kujiendeleza kiuchumi.

Being'i amesema kuwa wao kama la Baraza la Uwezeshaji Wananchi Kiuchumi wanaangalia mambo mbali ili uchumi pamoja na biashara ziweze kukua ikiwemo 

Amesema kuwa Miundombinu ya barabara inapokuwa nzuri biashara itafanyika vizuri huku akiitaja nishati ya umeme ni muhimu katika maisha ya mwanandamu pamoja na Mawasiliano, Ubinafisishaji, kukukuza ujuzi , uzoefu  mila , Masoko, ushirika na Uwekezaji.

Kwa Upande wake Katibu Tawala wa

Mkoa wa Singida Fatuma Mganga ametoa taarifa ya mkoa kwa ujumla wake ikiwemo lishe na hali ya ustahimilivu kwani amesema kuwa mkoa una chakula cha kutosha pamoja na mkakati walionao kuboresha upatikanaji wa chakula pamoja na lishe bora.

Mganga hakuwaacha wanafunzi kwani amesema kuwa Mkoa bado unaendelea kuhamasisha  kutoa chakula shule ili wanafunzi wapate kutulia wasome kwa bidii.

Baadhi ya wajasiliamali walioshiriki zoezi hilo akiwemo Edna Malekela amewataka wasimamizi waache mfumo waliotumia zamani wawe wawazi na watoe mikopo kwa kufuata utaratibu uliokuwa bora.

Huku Mwenyekiti wa wajasiliamali mkoa wa Singida Amina Dafi amempongeza Rais Samia Suluhu Hassan kwa jitihada zake za kutoa mikopo ya asilimia kumi na kuahidi kuisimamia na kuwanyanyua wengine.

Mwisho