Na Amini Nyaungo
CHIEF wa Wahijiu, Thomas Mgonto, jana ametoa vyombo vya usafiri kwa ajili ya Wananchi wa Singida Mashariki na Wahijiu kwa aajili ua kuwasaidia katika safari zao pamoja na mambo mengine ya kijamii.Ameyafanya hayo jana tarehe 14,10,2024 ambapo alitoa gari moja aina ya Noa pamoja na Pikipili mbili (BOXER) katika sherehe kubwa ya Wahijiu ambayo huwa inafanyika kila mwaka ikikusanya watu zaidi ya elf tatu wa kabila hilo lililojikita zaidi katika Jimbo la Singida Mashariki katika baadhi ya maeneo kama vile Ikungi, Siuyu, Mungaa, Makiungu pamoja na Njia panda.
Baada ya kukabidhi vyombo hivyo vya usafiri Mgonto amewaambia hadhira hiyo kuwa vyombo hivyo vikasaidie huduma mbalimbali za kijamii, huku akisema gari kwa ajili ya safari zao za kimila pamoja na zile za kijamii kama vile misiba na mambo mengine."Nimetoa usafiri huu kwa ajili yenu iwasaidie katika mambo mbalimbali ikiwemo misiba pamoja na shughuli za kimila," Mgonto.
Aidha ametumia jukwaa hilo kuwaomba wananchi wakajiandikishe ili wapige kura za serikali za mitaa pamoja na kubakia na amani yao iliyopo katika taifa la Tanzania.
"Muende mkajoandikishe kupiga kura za serikali za mitaaa pamoja na tuendelee kuilinda amani ya nchi yetu," Mgonto.Katika sherehe hiyo pia jana alikabidhi zawadi za washindi wa ligi yake ya Mgonto iloyoanza miezi miwili iliyopita na kutamatika kwa timu ya Itaghata kuchukua kombe kwa kuwafunga Kikio kwa mikwaju ya penati.
Hivyo mshindi akachukua milioni moja na kombe wakati mshindi wa pili akichukua laki tano pamoja na wa tatu kuchukua laki mbili na nusu.
Bado amenunua magoli kuanzia robo fainali kila goli amelinunua kwa elf ishirini pamoja na kutoa jezi kwa timu zote 20 zilizoshiriki michuano hiyo.Sherehe hiyo iliwaunganisha watu mbalimbali ikiwemo viongozi wa Serikali, chama, Machief pamoja na wananchi.
Mwisho.
No comments: