MGONTO ATUNUKIWA CHETI NA SIREFA KITILA AHUSIKA

Na Amini Nyaungo

Chief Thomas Mgonto jana alikabidhiwa cheti cha kuendeleza na kukuza michezo Wilaya ya Ikungi Mkoani Singida baada ya kuhitimisha ligi yake aliyoishia Oktoba 13,2024 iloyopigwa katika uwanja wa shule ya Sekondari Siuyu.

Mwenyekiti wa Chama cha Soka Mkoa wa Singida Hamis Kitila alimkabidhi cheti hicho cha kutambua kazi yake katika kuhudumu michezo baada ya kuona jitihada zake mkoani hapa.

Kitila amesema Mgonto amekuwa mdau muhimu katika michezo mkoani Singida kwani katika ligi yake kunazalisha wachezaji wengi ambao huenda miaka ya baadae wakapata timu na kutimiza ndoto zao.

Amesema kwa kuona jitihada hizo Chama cha Soka Mkoa wa Singida kimeamua kumtunuku cheti.

"Tumempa cheti hiki baada ya kutambua mchango wake Cheif Mgonto katika kuendeleza michezo naomba wadau wengine waige mfano huu," Kitila

Pia amesema kuwa sio wadau wengine hawafanyi hivyo bali hawafuati vigezo na masharti ikiwepo kufika SIREFA kufuata utaratibu wa vibali hivyo ni vyema kufuata utaratibu.

Naye Cheif Mgonto amefurahishwa kwa kutambuliwa na kupata cheti akihahdi kuongeza juhudi katika kuendeleza michezo.

Amesema kuwa anatamani kuona katika ligi yake wachezaji wanaenda mbali zaidi huku akiweka wazi mwakani atainogesha zaidi.

"Nawapongeza SIREFA kwa kuona mchango wangu naahidi kuendeleza ushirikiano na kufanya vizuri zaidi," amesema

Mwisho.